Форум

Палкавая гісторыя

22-гі полк лінейнай пяхоты Польскага войска быў створаны па загаду Часовага ўрада 25-га чэрвеня 1812 года. Шэфам палка быў прызначаны Станіслаў Чапскі. Заступнікам яго стаў Ігнаці Вінцэнт Гільчан (Ignacy Wincenty Hilchen), былы капітан польскіх легіёнаў у Італіі, шэфамі батальёнаў сталі: Антон Межкоўскі (Antoni Mieszkowski)-былы капітан 8 пп КВ, Кастусь Лажэўскі (Konstanty Laszewski)-былы капітан 6 пп КВ, Жэзірскі (Jezierski)–дзе служыў раней не вядома. Цэнтрам фармавання стаў Менск. Кантаністы з прыгонных сялянаў набіраліся з Менскага дэпартамента.
Першы бой полк прыняў 13 лістапада пад Новасвержням, дзе ад генерала Ламберта атрымаў паразу. Рэшткі палка з боям адышлі ў Менск і былі накіраваны ў Барысаў для ўмацавання гарнізона Барысаўскага кронверка. 18 лістапада гарнізон фартэцыі быў разбіты, рэшткі палка пераправіліся на левы бераг Бярэзіны. Пасля вызвалення Барысава французамі літвінскія жаўнеры далучыліся да еўрапейскіх адзелаў, з якімі пераправіліся ў Студзёнцы на правы бераг ракі. Пад час Стахаўскай бітвы 26-28 лістапада рэшткі палка знаходзіліся ў рэзервах, удзела ў гэтай бітве не прымалі, але, магчыма, прынялі ўдзел у апошняй бітве пад Касцюкамі, дзе абаранялі масты праз Гайну. Жаўнеры палка з Вільні адышлі ў Варшаву, потым уліліся ў гарнізон Модліна, які склаў зброю 25 снежня 1813 года.

Строй

Курткі якой канструкцыі, якіх колераў насілі жаўнеры 22 пп уніфармалогія не ведае.

Мал.1-Гузік вялікі 22-га пп.

[

Мал.2–Рэканструкцыя рагатыўкі фузялёра 22-га палка лінейнай пяхоты. За ўзор узята рагатыўка 20-га пп. Картон, лён, скура, латунь, цына.

Мал.3–Бляха на рагатыўку 22 палка пяхоты літоўскай (па подпісу пад фотаздымкам). Гістарычны музей у Вільна.

Літаратура

1. Andrzej Tomaszewicz. Wojsko Wielkiego Księstwa Litewskiego w roku 1812 // Nasz Czas.– 2006.–№18.
2. Baginski W. Dawne guziki polskie.–Kraków: Naklad towarzystwa numizmatycznego, 1899.
3. Bronisіaw Gembarzewski. Wojsko Polskie, Księstwo Warszawskie 1807-1814. Warszawa, 1905, reprint wyd. Kurpisz, Poznan, 2003.
4. Gaidis H.L. Napolеon's Lithuanian Forces //LITUANUS.–1984.–Volume 30., №1.
5. Guziki. Polskie guziki wojskowe od XVI do konca XX wieku. Przewodnik dla kolekcjonerow.-Warszawa, 1999.
6. Historia 17 pulku ulanow na tle wojsk litewskich 1812-1814 / Jozef Tyszkiewicz w opracowaniu Dariusza Nawrota i Andrzeja Nieuwaznego.– Gdynia: Wydawnictwo "Armagedon Books", 2004.
7. John R. Elting. Napoleonic uniforms vol. I – IV, 1993.
8. Les uniformes de l`Armee Francaise. / Lienhart, Humbert.–Leipzig, 1908.
9. Nawrot D. Litwa I Napoleon w 1812 roky. Katowice, 2008.
10. Акты Виленской археографической комиссии. Т. XXXVII. Вильна, 1912.
11. Вильна в 1812 году. В память столетней годовщины Отечественной войны. Составил Ф. А. Кудринский. С факсимиле Императора Александра I, Наполеона и некоторых русских генералов. Вильна: Издание Управления Виленскаго Учебнаго Округа Типография А. Г. Сыркина, 1912.
12. Вооруженные силы Литовского княжества 1812 года. Кудряшов И.Ю. Москва, 1991.
13. Заходні рэгіён Беларусі ў часы напалеонаўскіх войнаў. 1805-1815 гады. / В. Швед, С. Данскіх.–Гр.: ГрДУ імя Янкі Купалы, 2006.
14. Сборник Императорского Русского исторического общества. Т. 128. Петербург, 1909.
15. Часовая мінская газета. 1812 год.–Мн.: Выд. В.Хурсік, 2008.