12 чэрвеня 2008 г. пачаў працаваць гэты форум.Форум *Літвінская ўніфармалогія* прысвечаны вывучэнню беларускай вайсковай ўніфармалогіі на 18-20 ст.Форум не займаецца прапагандай гітлерызма і сталінізма.
Адпраўлена: 02.08.13 13:53. Загаловак: Колер Пагоні.
Колер Пагоні.
Пад час паўстання 1863-64 гг каліноўцы выкарытоўвалі герб, які складаўся з гербаў Каралеўства Польскага (белы арол на чырвоным тарку), Вялікага Княства Літоўскага (белы вершнік на блакітным тарку) і герба Кіева (выява Архангела Міхаіла на белым тарку) пад агульнай каронай. Гісторыя гэтага герба пачынаецца з сярэдзіны 17 ст, калі была здзейснена няўдалая спроба аднавіць Вялікае Княства Рускае з цэнтрам у Кіеве. Унія каралеўства і дзвух княстваў (Рэч Паспалітая трох народаў) так і не паўстала, герб быў забыты. Пасля падзелаў Рэчы Паспалітай герб з трох таркаў пачаў выкарыстоўвацца ў патрыатычным іміграцыйным асяродзе ў Францыі, колеры яго (чырвоны, блакітны, белы) на сваіх цэшках малявалі літвіны і палякі, якія служылі ў польскіх легіёнах у Італіі. Пасля аднаўлення Вялікага Княства Літоўскага ў 1812 годзе Напаляонам літвінскія ўланы на сваіх піках выкарыстоўвалі блакітна-белыя тактычныя сцяжкі ў колерах герба Княства Літоўскага. Але цэшкі жандармерыі і ўланаў засталіся белымі, як у Княстве Варшаўскім. Колер цэшак літвінскай пяхоты не вядомы, чырвона-белая цэшка на рагатыўке музыканта 20 плп ВКЛ з Варшаўскага музея, як лічаць польскія даследчікі, мае позняе паходжанне. Але і яна магла быць, як і сцяжкі ўланаў, блакітна-белай. Ніжэй фотаздымак паўстанца. Каштоўнасць яго ў тым, што ў камбатанта нарукаўка і цэшка на шапке. Нарукаўка хутчэй заўсё трохкаляровая ў нацыянальных колерах (чырвона-блакітна-белая). Цэшка чырвона-белая, альбо блакітна-белая. Я намаляваў блакітна-белую.
- удзельнік зараз на форуме - удзельнік па за форумам
Усе даты ў фармаце GMT
2 час. Хітоў сёння: 1
Права: смайлы так, малюнкі так, шрыфты так, галасаванне не
аватары так, аўтазамена спасылак укл, прамадэрацыя адкл, праўка не
- удзельнік зараз на форуме
- удзельнік па за форумам